Projekt Pool Passat

    Salü Zäme



    Ich ha mit 3 Kollege vor öppe 4.5 Mönet en Passat Kombi kauft (2 liter 16V Automat) mit eim Ziel vor Auge: En Pool uf Räder...




    Das ellei wär ja scho en useforderig, aber mier hends nu chli spezieller welle: s'Wasser wird gheizt durne Heizschlange im Fass womer hine druff hend. die eint Hälfti isch für d'Wasserheizig, die ander Hälfti zum Grille.




    Zerscht hemmer mal das störende Dach wäg gschnitte und hine alles usegruumed was es nid bruucht:





    Nu chli Tuning :p





    Den hemmer zur Verstärkig vom Chassis en Bügel inegscheisse, vo de ursprüngliche C-Süüle nach obe zu de B-Süüle:





    Immer meh heds Forme agnu mitem Inneusbau, zerscht es Grundgrüst, den Stück für Stück isch nu bläch inecho:





    De jetzig Stand: fertig lackiert, im Pool ine isch ab hüt abig en Sarnafilblache verleid, das alles dicht isch. jetzt chömed nu die chline usklügleted sache, wie belüftig füre Grill das mer schön gluet hend usw.




    Meh Bilder wärdet folge!


    Grossi offizielli Premiere wird d'Teffli-Rally 09 am 4./5. sep. 09 in Ennetmoos NW.




    Falls den öpper mal das Gfährt wett usmiete fürne spezielli Party oder ähnlichs: eifach mälde ;)

    Hammer geils Projekt :thumbsup:


    Nome so uus gwonder, wie gsehts met MFK uus bi euch? Do in Schofisse wöreds der glaub grad de Grend abrisse :D


    Oder fahred ehr eifach met U-Blech?

    Er wird ufne Ahänger verlade und so transportiert. sälbst mit U-Bläch wärs nid wirklich legal.


    Nur scho de Uspuff (Bilder wärdet folge) ab Krümmer isch es 2" Stahlrohr und grad hinter de Fahrertüür endets inere Sidepipe... ;)


    Mier sind inzwische ufere Gsamtlängi vo 5.5meter und hend somit zünftig überlängi... Wirde hüt nu meh Bilder ufelade...

    Haha ganz geile idee!
    Da bin ich aber mal gespannt was draus wird. Hoffe es wird auch ein Video geben wenn er mal fertig ist. :D


    Noch was - wie verstärkt ihr die Hinterachse, dass das nicht alles zusammenbricht wenn mal Wasser drin ist?

    Einmal editiert, zuletzt von MikeRR ()

    Vielleicht nu so als chline Vorgschmack:






    Aber wie gseid: meh hüt abig :)


    MikeRR: Hine sind 2 Wageheber agschweissed, wie bi de Wohnwäge z.b. womer au chli cha usrichte, nid das mer alles wasser uf einere siite hend.

    Einmal editiert, zuletzt von civic_rally ()

    Jop. Nicht ganz Hundert. :D Sieht echt geil aus. :thumbsup:

    Service Arbeiten, Reifen wechseln, sonstige Arbeiten Raum Bülach <------ PN 8)

    :thumbsup: geili siechä!!!wie duesch das teil entleerä?falls no was brüchtisch a fitting (PVC) oder so mäldsch di,bin ja poolmech..aber das hani i 6 jahr no nie gseh :rolleyes:

    <nono> Don`t have no Sig!!! <nono>

    geili idee wie schwer wird das teil mitem wassedr drine? musch na abstütze oder sett das scho verhebe vom gwicht

    Gester isch der ersti Probelauf, inkl. Wasser ufheize über d'Bühni gange und alles hed so funktioniert wies sött! de KUM heds sogar nu churz gseh ;)


    er isch hinne abgstützt, evtl. würds gah ohni, aber isch für stossdämpfer/fädere auf die dauer sicher nid sooo gsund. mier hend jetzt neu nu Fädere vomene A6 da, evtl. wärded die den nu inegmacht...

    jap de kum häts gse :D und isch echt geiles teil bim kalta rega wetter im warma Pasat go bädela :D


    Echt geiles teil :thumbsup:

    Haha, zuuuuuuuuuuuuuuu geil.


    Do gits doch nomol eine mit emene Passat Kombi mit Anhänger und Pool. Ha ich scho paar mal a Treffe gseh... (vor ca 4 Jahr).


    Viel Spass mit euem Pool-Passat.

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden